Fai once días que plantamos as nosas sementes.
A primeira semente que comezou a medrar foi a semente dos chícharos, que
comezou a medrar aos 5 días de estar plantada. Agora mesmo algunha planta de
chícharos xa ten talo e follas. A segunda semente en saír foi o millo, e agora
mesmo o seu talo está a medrar máis rápido que os chícharos, pero sen follas.
Nas sementes de cabaza común e cabaza do peregrino aínda non medrou nada.
Continuamos cos coidados das plantas agardando a que as nosas plantiñas continúen
medrando.
martes, 25 de marzo de 2014
miércoles, 19 de marzo de 2014
Experimento: as plantas son seres vivos
Nun vasiño de iogur plantamos
lentellas cun anaco de algodón. Despois dividimos a nosa aula en catro grupos.
O primeiro grupo plantou as lentellas con algodón, auga, aire e luz do sol. O
segundo grupo plantou as lentellas e non lle botou auga. O terceiro grupo
púxolle un plástico transparente para tratar de quitarlle a planta o osíxeno. O
cuarto grupo gardou as plantas nun armario para que non lle entre a luz do sol.
Esperamos uns días a que medrasen as plantas e observamos o que lle pasou os
diferentes grupos de plantas. No grupo 1 as plantas medraron co talo de cor
verde, aínda que non foron as que máis medraron. No grupo 2 seguían as sementes
tal como as botaron, non medrou nada. No grupo 3 ocorreron dúas cousas: unhas plantas medraron máis que as que tiñan de todo porque o plástico fixo de invernadoiro e as plantas tiveron máis calor, e outras onde as plantas case non medraron
(a pesar do plástico entroulles un pouco de osíxeno). No grupo 4 as plantas
foron as que máis medraron xa que intentaban buscar a luz do sol, pero o seu
talo era de cor branco.
Xa por último xuntáronse por
grupos e compararon todas as plantas e viron as diferencias que había entre
unhas plantas e outras.
martes, 18 de marzo de 2014
1ª actividade: plantamos na aula
O venres fixemos a nosa primeira actividade relacionada coa horta escolar. Nun vasiño de iogur plantamos as seguintes sementes: cabaza, millo, chícharos e cabaza peregrina. Cando as sementes medren replantarémolas na horta do colexio. Cada rapaz escribiu nun vasiño o seu nome e o nome da semente que plantou.
Despois, encheu un vasiño cun pouco de substrato, fixo un buratiño co seu dedo, plantou a semente, tapouna con terra e por último regou a súa semente. Agora estamos esperando a que empecen a medrar as nosas plantiñas.
Comezamos
Os alumnos de 2º primaria comezamos un novo proxecto. Aproveitando que as plantas son un tema do curriculo do primeiro ciclo de primaria e coa colaboración da asociación Xaruma imos facer unha horta escolar, para que os nosos alumnos poidan aprender a través da experimentación e manipulación. Para elo disporemos dunha aula medioambiental, ubicada no centro Gárate, dunha horta de plantas aromáticas e medicinais, a carón do centro Gárate e dunha horta de hortalizas no bosque do colexio.
Esperamos que sexa unha actividade do agrado de todos e coa que os máis pequenos vaian aprendendo a coidar e respectar a natureza.
Esperamos que sexa unha actividade do agrado de todos e coa que os máis pequenos vaian aprendendo a coidar e respectar a natureza.
Suscribirse a:
Entradas (Atom)